Отбасылық оқу жобасы аясында өткен шараға облыстық кітапхананың тұрақты оқырмандары, мектеп оқушылары, балабақша тәрбиеленушілері қатысты.
Сурет: Жұбан Молдағалиев атындағы облыстық әмбебап ғылыми кітапхана
Отбасымен бірге кітап оқитын оқырмандарды кітапханаға тарту, кітап оқуды насихаттауды мақсат еткен іс-шарада оқырмандар басқа қырынан танылып, ән салып, өнер көрсетті. Кітапханада қазіргі күнде 600-ге жуық отбасылық оқырман бар.
Сурет: Жұбан Молдағалиев атындағы облыстық әмбебап ғылыми кітапхана
Мерекелік шарада кітапхананың байырғы оқырмандарының бірі Ермек Жұмағалиев кітаптың құндылығы туралы айтып, жас ұрпақты кітап оқуға шақырды. №44 мектеп-гимназиясының оқушылары сахналаған "Ақылды балапан" ертегісі оқырмандарға әдемі әсер қалдырды. Кітапхананың кішкентай қонағы Ерқазақ Ермектің орындауындағы "Әжемнің шайы" әні жиылғандарға жылы шуақ сыйлады.
Сурет: Жұбан Молдағалиев атындағы облыстық әмбебап ғылыми кітапхана
Оқырмандар өнер көрсеткен әсерлі іс-шараны кітапхана директорының орынбасары Нұрлыгүл Сағынова қорытындылап, кітап оқитын оқырмандар қатары арта беретіндігіне сенім білдірді.
Сурет: Жұбан Молдағалиев атындағы облыстық әмбебап ғылыми кітапхана