Досаевтың айтуынша, ел президентінің биыл қаңтар айының соңында берген тапсырмасына сәйкес қаңтар оқиғасы кезінде қираған инфрақұрылым толығымен қалпына келтірілді.
"Қала экономикасы тұрақты өсу траекториясына шықты, қоғамдық қауіпсіздік деңгейі айтарлықтай жақсарды. Зардап шеккен 1640 кәсіпорынға 16,2 млрд теңге көлемінде өтемақы төленді, оның 95%-ы 2022 жылдың 1 маусымына дейін төлемдерін алды".Ерболат Досаев
Әкім барлық жеке тұлғаға 613,5 млн теңге көлемінде мүліктік залал өтелгенін айтты.
"Сіздің тапсырмаңызды орындау мақсатында Алматы тұрғындарының адам көп жиналатын орындарда қауіпсіздігін қамтамасыз ету мақсатында жыл соңына дейін 2050 бейнекамера орнату аяқталады. Жалпы тұрғындардың қауіпсіздігін қамтамасыз етуге қосымша 16,8 млрд теңге бөлінді".Ерболат Досаев
Қала әкімдігінің ғимаратын қалпына келтіру жалғасып жатыр. Аяқталу мерзімі – 2023 жылдың екінші тоқсаны. Ал президент Қасым-Жомарт Тоқаев әлі де атқарылатын жұмыс көп деп санайды.
"Қаланың жағдайы жақсарып келеді, бірақ әлі де жұмыс көп".Мемлекет басшысы
Бұған дейін ҚР премьер-министрі Әлихан Смайылов Қазақстан экономикасының 2022 жылдың 11 айындағы дамуының негізгі көрсеткіштерін жариялаған еді.
