Америкалық SpaceX компаниясының негізін қалаушы, миллиардер Илон Маск Time журналының нұсқасы бойынша "Жыл адамы-2021" деп танылды, деп хабарлайды Zakon.kz.
"Жыл адамы" атағына 54 үміткер таласқан.
Салтанатты рәсім YouTube арнасында көрсетілді.
Үміткерлер тізімінде мемлекет басшылары, қоғамдық ұйымдар, саясаткерлер, спортшылар, әртістер, ірі корпорациялардың басшылары мен негізін қалаушылар болды. Мысалы, үміткерлер тізіміне Ресей президенті Владимир Путин, блогер Алексей Навальный, америкалық көшбасшы Джо Байден, танымал әнші Бритни Спирс және экоактивист Грета Тунберг енген.
2020 жылы "Жыл адамы" номинациясының жеңімпаздары АҚШ-тың қазіргі президенті Джо Байден және вице-президенті Камала Харрис болған еді.
Оның алдында бұл атақ экоактивист Грета Тунбергке бұйырған болатын.