ТАСС-тың хабарлауынша, қосымша санкция тізімі АҚШ Қаржы министрлігінің сайтында жарияланды.
Санкциялар тізімінде мына шенділердің аты-жөні аталады: Мәскеу мэрі Сергей Собянин, Санкт-Петербург губернаторы Александр Беглов, Волга федералды округіндегі Президенттің өкілетті өкілі Игорь Комаров, Федералды кеден қызметінің басшысы Владимир Булавин, Солтүстік Кавказ федералды округіндегі Президенттің өкілетті өкілі Юрий Чайка, РФ Президенті Әкімшілігінің басшысы Антон Вайно, Солтүстік-Батыс федералды округіндегі Президенттің өкілетті өкілі Александр Гуцан және Қаржы министрі Антон Силуанов.