ТАСС-тың жазуынша, «Үлкен жетілік» елдері биылғы және одан кейін Украинаға берілетін қосымша көмектің жалпы көлемі 24 миллиард доллардан асады деп отыр.
Бұл туралы 20 сәуірде Вашингтонда өткен «Үлкен жетілік» елдерінің қаржы департаменттері мен орталық банктері басшыларының кездесуінің қорытындысы бойынша жарияланған мәлімдемеде айтылды.
Біз халықаралық қауымдастықпен бірге 2022 жылы және одан кейінгі кезеңде 24 миллиард доллардан асатын қаржылық және заттай жағынан айтарлықтай қосымша қолдау көрсеттік әрі көрсетуге уәде бердік. «Үлкен жетілік» қаржы министрлерінің мәлімдемесі
Бұған дейін АҚШ президенті Джо Байденнің әкімшілігі Украинаға әскери көмектің жаңа пакетін беретінін мәлімдеген. Киев артиллериялық қарулар мен оқ-дәрілермен қамтамасыз етілуі мүмкін.
