Юн Сок Ёл ант қабылдап, Корея Республикасының президенті қызметіне кірісті, деп жазды ТАСС.
Президенттің ұлықтау рәсімі жоспарланғандай жергілікті уақыт бойынша сағат 11:00-де (Нұр-Сұлтан уақыты бойынша 08:00) басталды.
Салтанатты шараға 40 мыңға жуық адам шақырылды.
Юн Сок Ёл штаб бастықтарының біріккен комитетінің өкілдерімен кездесуден кейін түн ортасында президенттік қызметін бастады.
Оңтүстік Кореяда президент сайлауы 9 наурызда өтті. «Азаматтық күштердің» кандидаты Юн Сок Ёл 48,56% дауыс жинап жеңіске жетті. Оның басты бәсекелесі биліктегі «Тобуро» демократиялық партиясынан шыққан Ли Чжэ Мён 47,83% дауыс жинады.
