Президент Саули Ниинисте мен Премьер-министр Санна Марин арнайы баспасөз мәслихатын өткізіп, өз елдерінің әскери одаққа кіруге ниет білдіріп отырғандарын жариялады, деп хабарлайды Euronews.
Мемлекет басшысы Финляндияның НАТО-ға енуге қатысты мәлімдемесі басқа елдерге қарсы бағытталмағанын атап өтті.
Бұл шешім жақын арада республиканың жоғары заң шығарушы органында талқыланып, мақұлданады деп күтіліп отыр.
Бұған дейін Саули Ниинисте мен Ресей басшысы Владимир Путин телефон арқылы сөйлескен болатын, оның барысында тараптар Хельсинкидің НАТО-ға кіру жоспары мен Украинадағы жағдайды талқылады.
Екі елдің көшбасшылары Финляндияның НАТО-ға мүшелікке өту үшін өтініш бергісі келетіндігіне байланысты пікір алмасты. Путиннің айтуынша, дәстүрлі әскери бейтарап саясаттан бас тарту қате болады, өйткені Финляндия қауіпсіздігіне ешқандай қауіп төніп тұрған жоқ.