Әйелдер емделуге мақта матадан тігілген ұзын, кең көйлектермен баруы керек. Жеңі білектен сәл жоғары, бірақ көйлектің жағасында дәстүрлі кесте болмауы керек, басында орамалы болуы тиіс, деп жазады Азатлык.
Ер пациенттер жеңі қысқа, ақ мақтадан тігілген жейде мен кең қара түрікмен шалбарын киюі керек.
Келген науқастардың сыртқы түрі талаптарға сай болмаса, оларды ауруханаға жатқызудан бас тартуы мүмкін. Емделіп жатқан науқастардан екі күннің ішінде осындай арнайы киім алдыру талап етіліп жатыр.
Қазір ауруханада жатқандарға денсаулығымен емес, сыртқы келбетінің жаңа талаптарға сай келуімен «арпалысуға» тура келіп тұр. Әйелдер дәрігерді орамалмен қарсы алуы керек, сонымен қатар барлық ем-шараларға басына орамал тағып баруы тиіс. Пациенттерге жаңа талаптармен келіспеген жағдайда үйіне қайтарылатыны ескертілді, – дейді басылым дереккөзі.
Сыртқы келбетке қойылатын жаңа талап түрікмендерге ғана емес, басқа да ұлт өкілдеріне жүктелді.
