Тағы екі ел туристер үшін COVID-19 шектеулерін алып тастады

Эстония үкіметі пандемияға қарсы барлық шектеуді алып тастады. Сонымен, 16 маусымнан бастап Эстонияға кіру үшін вакцинация құжаты қажет емес, деп хабарлайды Zakon.kz.

Эстония ЕО-дағы ковид шектеулерін алып тастаған соңғы елдердің бірі болды. 7 маусымға қарай көптеген Еуропа елдері шектеулерді алып тастады.

Мысыр үкіметі де пандемияға байланысты туристерге қойылған барлық шектеулерді алып тастау туралы шешім қабылдады. Қаулы 17 маусымда күшіне енеді.