Бұл туралы Дүниежүзілік денсаулық сақтау ұйымының (ДДҰ) мәліметтеріне сілтеме жасап ТАСС жазды.
Дүниежүзілік денсаулық сақтау ұйымы есепті кезеңде вирус жұқтырғандар мен өлім саны тиісінше 18% және 3% өскенін атап өтті.
Ұйымның апталық бюллетенінде «аптасына тіркелген жаңа жағдайлардың саны наурыздан бері байқалған азаю тенденциясынан кейін артты» деп жазды.
Өткен аптамен салыстырғанда жұқтырғандар санының ең көп өсімі Шығыс Жерорта теңізінде (плюс 47%), Еуропада (плюс 33%) және Оңтүстік-Шығыс Азияда (плюс 32%) тіркелді. Алайда Африкада аурушаңдық айтарлықтай төмендеді (минус 39%). Өлім-жітімнің өсуі Шығыс Жерорта теңізінде (плюс 22%), Оңтүстік-Шығыс Азияда (плюс 15%) және Америкада (11%) тіркелді. Бұл ретте Батыс Тынық мұхиты аймағында (минус 6%), Еуропада (минус 5%) және Африкада (минус 1%) төмендеді.
Аптасына жұқтырғандардың ең көп саны АҚШ-та (701 855), одан кейін Германияда (504 655), Бразилияда (349 791), Италияда (340 012) және Қытайда (333 926) тіркелді.
