Пандемияға дейінгі шарттар шектеусіз қолданылады, деп жазады Bangkok Post денсаулық сақтау министрі Анутин Чарнвиракулға сілтеме жасап.
Тайланд билігі 2020 жылдың 24 наурызынан бастап енгізілген төтенше жағдайды алып тастау туралы шешім қабылдады. Өйткені COVID-19 бойынша жергілікті және жаһандық жағдай жақсарды. Сонымен қатар коронавирус жұқтырып, тіркелгендер мен өлім саны азайып келеді.
Коронавирус инфекциясы Корольдікке кіруге кедергі келтіретін қауіпті аурулар тізімінен шығарылды. Негізінде бұл барлық шектеудің жойылуын білдіреді. Жергілікті Денсаулық сақтау министрлігі COVID-19-ға жұқпалы ауру мәртебесін берді.
Шектеулерді алып тастау туралы шешім Royal Gazette-те жарияланады.
2022 жылдың 23 маусымында Таиландта маска режимі жойылды.