ҚХР-дың бұрынғы төрағасы Ху Цзиньтао Компартия съезінің жабылу салтанатында аяқ-асты кетуге мәжбүр болды, өйткені ол өзін нашар сезінді, қазір саясаткердің жағдайы әлдеқайда жақсы, деп хабарлайды "Синьхуа" агенттігі.
Айта кетсек, желіде тараған видеоға қатысты БАҚ-тарда сан түрлі болжам айтылды. Видеода Қытайдың қазіргі төрағасы Си Цзиньпиннің жанында отырған 79 жастағы ер адам іс-шарадан кеткісі келмеген сияқты әсер қалдырады. Бірақ оған жақындаған екі жігіт қолтығынан демеп, оны болмай залдан алып кетеді. Осыған қарап Ху Цзиньтаоны залдан күштеп шығарды деген дақпырт тараған.