Мәдениет және спорт министрлігінің ресми өкілі Мөлдір Әбдуалиеваның айтуынша, тілек білдірушілер туристік пакеттен бас тарта алады. Ол үшін туроператорларға хабарласу керек. Олар ілеспе комиссияларды ескере отырып және қызмет көрсету шарттарында көрсетілген қазірдің өзінде жұмсалған шығындарды алып тастап, қайта есептеу жүргізуі керек.
"Туроператорлар демалыс күндерін кейінге қалдыру, бағыттарды, қабылдаушы елдерді өзгерту сияқты басқа да нұсқаларды ұсына алады", – деді Мөлдір Әбдуалиева.
Бүгінгі таңда Түркияның курорттарында Қазақстаннан 254 турист бар.
Туристік агенттіктердің бірі Zakon.kz сайтына қазақстандықтар қазір негізгі демалыс орны ретінде Анталия жағалауын таңдап жатқанын айтты. Компанияның мәліметінше, курорттық қалада жағдай тыныш.
6 ақпан күні таңертең Түркияда бірнеше күшті жер сілкінісі болды. Кейінірек Түркияның орталық бөлігінде магнитудасы 7,8 болатын тағы бір жойқын сілкінісі тіркелді.
