Anadolu агенттігінің хабарлауынша, жер сілкінісінен кейін зардап шеккендер мегаполиске Түрік қарулы күштерінің әскери-көлік ұшақтары мен Денсаулық сақтау министрлігінің медициналық ұшақтарымен жеткізілген.
Әуежайдан олар жеке және мемлекеттік ауруханаларға, сонымен бірге университеттердегі медицина мекемелеріне таратылды.
Жалпы зілзаладан бері 17 676 жаралы Стамбулға емделуге жеткізілген.
Кейінгі мәліметтер бойынша Түркияда жер сілкінісі салдарынан 46 104 адам қаза тапқан.
Сонымен қатар БҰҰ мәліметі бойынша, Түркия мен Сириядағы жер сілкінісі салдарынан 850 мың бала үйлерін тастап кеткен.