Конституцияға ұсынылған түзетулер елдің негізгі заңы мәтінінің 65%-ға жаңартылатынын, баптар саны 128-ден 155-ке дейін, ал тараулар саны 26-дан 27-ге дейін артатынын байқатады. Мұндай ауқымдағы түзетулер тек референдум арқылы енгізу мүмкін екені нақтыланады.
Өзбекстан қоғамы қызу талқылап жатқан заңның негізгі тармақтары: жерге жеке меншік құқығын бекіту, өлім жазасына тыйым салу және Президенттің өкілеттік кезеңін ұлғайту.
Дауыс беру кезінде азаматтарға әрбір жаңа бап бойынша сұрақтар қойылмайды, тек өзгерістерді тұтастай қолдау туралы жалпы сұрақ қойылады. Басқаша айтқанда, азаматтар таңдауына тек екі нұсқа ұсынылады — "қолдаймын" немесе "қарсымын".
Ұсынылып отырған өзгерістердің бірі - Өзбекстандағы президенттік мерзімнің 5 жылдан 7 жылға дейін ұзартылуы. Бұған дейін Конституцияға түзетулер енгізіліп, Мемлекет басшысының билік ету мерзімі 7 жылға дейін ұзартылған болатын, алайда кейін ол қайта 5 жылға дейін қысқарған болатын.
Бұған дейін әлеуметтік желіде Қазақстан мен Өзбекстан шекарасында адамдардың көп жиналғанын сипаттайтын видео жариялаған болатын. Бұл көршілес елдегі жалпыхалықтық дауыс беру науқанына байланысты ма, жоқ па, ол жағы белгісіз.