Журналистер вице-министрден елге біреу шабуыл жасаса, қазақ әскері қанша уақыт шыдайтынын сұрады.
"Ал сіз кімді әлеуетті қарсылас ретінде көресіз? Еліміз көпвекторлы саясат жүргізіп жатыр. Көршілерімізбен шекарамыз бәрі таңбаланған, қол қойылған. Көршілеріміздің ешқайсысын әлеуетті жау деп санамаймыз. Біз доспыз. Біз көршілермен тату қарым-қатынас құрып отырмыз", - деді ҚР Қорғаныс министрінің орынбасары Сұлтан Қамалетдинов Бүкілармиялық кеңес алаңында.
Бұған дейін ол Украинадағы қарулы қақтығыс аясында Қазақстан армиясында не өзгергенін айтқан еді.