Бұл туралы ТАСС агенттігіне РФ Федералдық қауіпсіздік қызметінің департаментінен хабарлады.
Өз кезегінде Мәскеу мэрі Сергей Собянин Ресей астанасында "террорға қарсы операция режимін енгізуге байланысты барлық шектеу" алынып жатқанын айтты.
"1 шілдеде мектеп оқушыларына мектеп бітіру рәсімін өткіземіз. Мен москвалықтарға сабыр сақтап, түсіністік танытқаны үшін тағы да алғыс айтамын".Сергей Собянин
24 маусымға қараған түні Ростов облысында «Вагнер» ПМК мүшелері әскери бүлік шығаруға әрекеттенді. Бұл туралы әскери рота басшысы Евгений Пригожиннің хабарламаларынан кейін белгілі болды. Мәскеуде, Мәскеу және Воронеж облыстарында болуы мүмкін лаңкестік әрекеттердің жолын кесу үшін терроризмге қарсы операция режимі енгізілді.