Наразылыққа жиналған швед мұсылмандары биліктен елдің заңнамасын қайта қарауды және қасиетті жазбаны қорлағысы келетіндерге тыйым салатын өзгерістер енгізуді талап етті. Бұл туралы Sydsvenskan жазды.
"Біз мұсылмандар ренжідік. Сондықтан бүгін осындамыз. Бұл жай ғана - бергі жағындағы ұшқын. Бұл швед заңнамасын одан әрі реформалауға алып келуі керек", - деді акцияны ұйымдастырушылардың бірі.
Ұйымдастырушылар наразылық білдірушілерге Құранның басылған данасын, жалпы саны 500-ге жуық қасиетті кітапты таратты. Одан кейін жиналғандардың барлығы жамағат болып, намаз оқыды.
Екі апта бұрын Стокгольмнің орталығында акция өтіп, оның барысында Ирактан келген 37 жастағы Салван Момика есімді азамат мұсылмандардың қасиетті кітабының парақтарын жұлып алып, өртеп жіберген. Бұл әрекет алдын ала швед полициясымен келісілген. Кейінірек елдің тағы үш тұрғыны діни кітаптарды өртеу акциясын өткізу туралы полицияға арыз түсірген.