Euronews агенттігінің хабарлауынша, Әли Бонгоның қайта президент болып сайланғаны туралы ресми хабарламадан кейін бір топ әскери ұлттық теледидардың тікелей эфиріне шықты. Олар дауыс беру қорытындыларының жойылғанын, барлық мемлекеттік институттың таратылғанын мәлімдеді.
AFP мәліметінше, әртүрлі күш құрылымдарының өкілдері төңкеріс болғанын жариялады, олардың ішінде президент гвардиясы, ұлттық армия және полиция да бар. Олар Габон басшылығындағылардың жауапсыздығы "елді хаосқа ұшыратуы мүмкін" деп айыптады. Әскерилер бұл ретте Габон халықаралық міндеттемелерінен бас тартпайтынын атап көрсетеді.
Ел астанасы Либревильде атыс қаруының үні ауық-ауық естіледі. Шекаралардың жабылатындығы да жарияланды.