"Хабар 24" мәліметінше, Өзбекстанда пәндер саны 16-дан 11-ге дейін кемиді.
Оқушылар төрт бағыттың бірін таңдай алады. Бұл: "химия-биология", "математика-физика", "математика-шет тілі", сондай-ақ "ана тілі мен әдебиет-шет тілі". Яғни, балалар ЖОО-ға түсу үшін емтихандарға дайындықты мектеп табалдырығынан бастайды.
Жаңа жүйе әзірге 135 оқу орнында енгізілген. Бірақ келесі жылы олардың саны мыңға жетеді деп жоспарланып отыр. Сонымен қатар, бірінші сыныптан бастап компьютерлік сауаттылық сабақтары, ал бастауыштан кейінгісіне қаржылық сауаттылық сабақтары енгізілмек. Мектеп бағдарламасын өзгертуге бюджеттен 920 млрд сом бөлінді.