Қазақстан стандарттау және метрология институты Facebook парақшасында Тәжікстан 2024 жылдан бастап Дүниежүзілік сауда ұйымына (ДСҰ) мүше елдерден көлік әкелуге тыйым салатынын хабарлады. Тыйым Қазақстанға да қатысты болады.
Маңызды түсініктеме: Тәжікстанға тек 2013 жылға дейін шығарылған көліктерді апаруға рұқсат етілмейді.
"Тәжікстан ауаны ластаудың және адам денсаулығы мен қоршаған ортаға зиян келтірудің негізгі көзі болып саналатын ескі көліктердің әкелінуіне, сондай-ақ ескі көліктер қалдықтарының (аккумуляторлар, дөңгелектер, кондиционерлер) айтарлықтай өсуіне жол бермеуге бағытталған қаулы дайындады. Қаулы 2024 жылғы 1 қаңтардан бастап күшіне енеді", – деп хабарлады Қазақстан стандарттау және метрология институты.