Бригада генералы Даниэль Хагаридің айтуынша, ЦАХАЛ бұрын-соңды осыншама көп резервисті мұншалықты жылдам мобилизацияламаған, деп хабарлайды РИА Новости.
Сондай-ақ ол әскери қызметкерлер техника мен құрал-жабдықтың жетіспеушілігінен қиындық көрмейтінін айтты. Оның айтуынша, барлығы толық көлемде жеткізіліп жатыр.
Израиль мен Палестина арасындағы қақтығыс 7 қазан күні таңертең шиеленісе түсті. Хамас Израиль аумағына мыңдаған зымыран атқылап, артынша жауынгерлерін жіберген. Израиль бұған жауап ретінде "Темір қылыштар" операциясын бастады. Израиль премьер-министрі Биньямин Нетаньяху ел соғыс жағдайында екенін айтты.