Полиция хабарламасы Х желісінде жарияланды.
"Оқиға орнына полиция, дәрігерлер мен өрт сөндірушілер бара жатыр. Бастапқы ақпарат бойынша, оқиға орнында қаза тапқандар мен жаралылар бар", делінген хабарламада.
Әлеуметтік желіде аталған оқиғаның видеосы да тарай бастады, кадр сыртында атылған оқтардың дыбысы естіледі.
Сондай-ақ, Прагада атысты бастаған адамның көзі жойылғаны да айтылады.
"Оқ атқан адамның көзі жойылды!!! Қазіргі уақытта ғимараттағылардың барлығы эвакуацияланған, ал оқиға орнында бірнеше мәйіт пен оншақты жаралы адам бар", - делінген Чехия полициясының Х әлеуметтік желісіндегі хабарламасында.
