Ол ел тарихындағы министрлер кабинетінің ең жас басшысы болды.
"Габриэль Атталь Элизабет Борн отставкаға кеткеннен кейін жаңа премьер-министр болып тағайындалды", - деп хабарлады РИА Новости.
BFMTV арнасының хабарлауынша, Атталь енді Макронға жаңа министрлер кабинеті бойынша ұсыныстарын айтуы керек.
Атталь үкіметтегі алғашқы қызметіне 29 жасында тағайындалған.
2024 жылғы 8 қаңтарда Франция премьер-министрі Элизабет Борн отставкаға кететінін мәлімдеді, ал Макрон мұны қабылдады. Борн министрлер кабинетін бір жыл жеті ай басқарды.