Оларға қатысты "дәрменсіз күйдегі және құқық бұзушыларға тәуелді адамдардың анатомиялық материалдарын заңсыз алу және оларды одан әрі трансплантациялау" бабы бойынша іс қозғалды.
Lb.ua басылымы атап өткендей, Загрийчук 2019 жылдың тамызынан 2020 жылдың наурызына дейінгі аралықта министр Зоряна Скалецкаяның орынбасары болып жұмыс істеген. Қазіргі уақытта ол Жүрек институтында іш қуысы органдарын трансплантациялау және хирургия бөлімінің меңгерушісі болып табылады.
Сонымен қатар, бұл іс бойынша Жүрек институтының, Волын облыстық клиникалық ауруханасының және Киевтің орталық қалалық клиникалық ауруханасының тағы 10 дәрігері ұсталғаны белгілі болды.
Басылым тергеу мәліметтеріне сүйене отырып, органдар дәрменсіз күйде болған адамдардан алынып, кейіннен бұл биоматериалдар шетелге шығарылғанын жазады. Қылмыстық топтың барлық қатысушылары 12 жылға дейін бас бостандығынан айырылуы мүмкін.
2022 жылдың тамызында Украина Жоғарғы Радасының Ұлт денсаулығы жөніндегі комитетінің төрағасы Михаил Радуцкий елдегі трансплантология саласы соғыс қимылдары аясында рекордтық қарқынмен дами бастағанын хабарлады.
Бұған дейін Қазақстанда трансплантацияға мұқтаж адамдар санының артқаны хабарланған болатын.