РФ ТЖМ құтқарушылары Камчаткада жоғалып, бөлшектері табылған Ми-8 тікұшағында болған 17 адамның денесін тапты, деп хабарлайды ТАСС Ресей ТЖМ баспасөз қызметіне сілтеме жасап.
"Қазіргі уақытта 17 мәйіт табылды. Іздеу жұмыстары әлі жалғасуда", - деді министрлік.
Сондай-ақ РФ ТЖМ-ның Камчатка өлкесіндегі департаменті тағайындаған іздеу-құтқару жасағында тоғыз құтқарушы оқиға орнында жұмыс істеп жатқаны нақтыланады.
Бұған дейін Камчаткада бір күн бұрын жоғалып кеткен тікұшақтың бөлшектері табылғаны хабарлаған. Апатқа ұшыраған тікұшақ бортында 22 адам болуы мүмкін екені айтылған.