Иранның Дамаскідегі елшілігі қызметкерлерінің бір бөлігі, олардың отбасылары мен ел азаматтары Сириядан кете бастады, деп хабарлайды The New York Times газеті. Кейбіреулері ұшақпен Тегеранға, басқалары Ливанға, Иракқа және Сирияның Латакия портына жер үсті көлігімен жіберілді.
"Эвакуацияланғандардың арасында Сирияда әскери кеңесші ретінде жұмыс істеген Әл-Кудс бөлімшесінің екі генералы бар. Олар көтерілісшілер Хама қаласын басып алып, күрд отрядтары Дейр-эз-зорға бет алған кезде елден кетті", делінген басылымда.
Эвакуация, дереккөздердің пікірінше, аймақтағы жағдайдың күрт өзгеруіне және Иранның өз қызметін бұрынғы форматта жалғастыра алмауына байланысты көрінеді.
Бұған дейін ЕАЭО елдері Иранмен сауданы ұлғайтуға ниетті екендігі хабарланған болатын. Мәжіліс депутаттары палатаның жалпы отырысында 4 желтоқсанда Еуразиялық экономикалық одақ пен Иран Ислам Республикасы арасындағы еркін сауда-сатық туралы келісімді ратификациялады. Құжат Сенатқа жолданды