The Guardian мәліметінше, жаңа заңның шарттары бойынша "хиджаб мәдениеті" нормаларын бұзу болып саналады:
- жалаңаштықты насихаттау;
- жарамсыз киім;
- ұятсыз мінез-құлық;
- иық, тобық, декольте аймағын көрсету.
Жаңа заңның 37-бабы бойынша, шетелдік делегациялар мен БАҚ алдында әдепсіз түрде пайда болған әйел 10 жылға дейін сотталып, 12,5 мың фунт айыппұл арқалайды. Бұл шамамен 8 млн теңге.
"Рецидивистер үшін жазалар қатаңдатылады", – делінген басылымда.
Amnesty International халықаралық ұйымы заңның бұл ережесі шын мәнінде Ираннан тыс халықаралық БАҚ-қа өздері туралы бейнелер жіберетін әйелдер мен қыздардың сотталуы, соның ішінде өлім жазасына кесілуін көздеуі мүмкін екенін айтты.
Бұған дейін Иран өз дипломаттары мен әскерилерін Сириядан эвакуациялай бастағаны хабарланған болатын.