Бұл туралы 27 желтоқсанда Х әлеуметтік желісінде Нұрдағы қаласының билігі жазды.
"Нұрдағыда тұратын ағаш ұстасы Қадыр Терликли жиһаз сатып алып, оның ішінен 12 алтын шақа тауып алды. Ер адам бірден олжаның иесін іздеп, оны кері қайтарды", делінген хабарламада.
Нұрдағының мэрі Терликлиге оның әрекеті үшін алғыс хат табыс етті. Ішінде алтын шақалары болған шкафтың бұрынғы иесінің үйі 2023 жылдың ақпанында болған жер сілкінісі кезінде көп зақымданып, сүрілуге жатқызылған. Үйі сүрілетін болған соң ол шкафын сатқан. Ол алтын шақаларды шкафқа тыққанын ұмытып кеткенін айтқан.