The Times Of India басылымының жазуынша, қайғылы оқиға 2025 жылдың 2 сәуірінде болды. Он жасар баланың ата-анасы фермада болған кезде, сегіз жасар көршісі балаға қонаққа келіп, екеуінің арасында жанжал болған.
Кішкентай бұзақы досының денесін түгелдей тістеп тастаған. Жәбірленушінің жан айқайын көршілері естіп, дереу жеткен.
Олар баланы жақын маңдағы ауруханаға жеткізген. Алайда дәрігерлерге баланы құтқару мүмкін болмады, өйткені бүлдіршін тым көп қан жоғалтқан.
Сегіз жасар баланың үстінен іс қозғалды, бірақ кісі өлтіру бабымен емес. Күдікті психиатриялық сараптама жүргізе алатын кәмелетке толмағандарға арналған мемлекеттік мекемеге орналастырылды.
Бұған дейін Семей қаласында құрдасын аяусыз соққыға жыққан жасөспірімдердің ата-анасына қатысты әкімшілік істер қаралғаны жайлы жазған болатынбыз. Сот үкімімен бір әке бес тәулікке қамауға алынып, төрт ананың әрқайсысына 78 640 теңгеден айыппұл салынды.