Бұл туралы жергілікті The Edition басылымы жазды. Ер адам шағын қайықпен теңізде жүзіп бара жатып, суда ерекше бір кесекті байқап қалған. Оны судан алып шыққан кезде, салмағы шамамен 9 келі екенін анықтаған.
Амбраның түпнұсқалығын растау үшін ол Шри-Ланкаға сараптамаға жіберілген. Мұндай көлемдегі заттың құны жүздеген мың долларды құрайды.
"Мальдив аралдарында бұған дейін де осындай олжаларға кездейсоқ тап болған адамдардың байып кеткен жағдайлары болған", – делінген хабарламада.
Айта кетейік, амбра - кашалоттардың асқазан-ішек жолында түзілетін, парфюмерияда қолданылатын бағалы зат.
Сапасы жоғары амбраның бір келісі үшін сатып алушылар 40 мың долларға дейін (шамамен 18 млн теңге) төлеуге дайын.