Ұлттық статистика бюросының мәліметінше, бір айда тұрғын үйді сатып алу-сату операцияларының саны 1,6% өсті. Транзакциялар саны бойынша Астана (6 347) және Алматы (6 342) қалалары көш бастап тұр. Барлық транзакциялардың ең азы Ұлытау облысында. Мұнда 372-сі орындалды.
Бұл ретте тамыз айымен салыстырғанда транзакциялардың ең көп өсімі Түркістан облысында (15,2%), сонымен қатар Шығыс Қазақстан (14,8%) және Павлодар облыстарында (11,8%) байқалды. Бір айда құлдырау Ұлытау (-9,7%) және Алматы (-7,4%) облыстарында болды.
Статистикаға қарасақ, қазақстандықтар әлі де көппәтерлі үйлердегі баспананы қалайды. Қыркүйекте олар бойынша 27 336 транзакция жасалды, бұл транзакциялар бойынша жалпы көрсеткіштің 75,4%-ына тең.
Бөлме саны бойынша 1 бөлмелі пәтерлер екінші ай қатарынан сұранысқа ие. Қыркүйек айында осындай 10 163 транзакция аяқталса, мұндай пәтерлер сатылымының 55,4%-ы Астана мен Алматыда жасалған. 2 бөлмелі пәтерлер бойынша 10 083 транзакция жасалды.
Бұл ретте жеке үйлер бойынша транзакциялар санының азаюы байқалады. Оларды сату көлемінің төмендеуі Қызылорда (-26,7%), Алматы (-12,3%) және Батыс Қазақстан облыстарында (-11,3%) байқалады.
Жеке тұрғын үйлер бойынша транзакциялардың өсімі Шымкентте (+11,6%), Ақтөбеде (+9,8%), Шығыс Қазақстан облысында (+9,6%), Жамбылда (+7,9%) және Павлодар облыстарында (+8,5%) тіркелді.
