Салтанатты шараға Жамбыл облысы әкімінің бірінші орынбасары Нұржан Календеров қатысып, орман шаруашылығы жұмыстарының мағыздылығын атап өтіп, оларға жергілікті билік тарапынан көрсетілетін қолдаулар жалғаса беретінін жеткізді.
"Мемлекет басшысының тапсырмасымен республика бойынша отырғызылатын 2 млрд ағаштың 140 миллионы Жамбыл облысының орман қорына отырғызу көзделген", - деді ол.
Сурет: Жамбыл облысы әкімдігінің баспасөз қызметі
Президенттің осы тапсырмасына сәйкес, "Жамбыл облысында 2021-2025 жылдары ормандарды молықтыру және молайту туралы" кешенді жоспары қабылданып, бүгінгі таңда 26 180 гектар алқапқа 50 миллионнан астам сексеуіл және қарағаш ағаштар егілді.
Сурет: Жамбыл облысы әкімдігінің баспасөз қызметі
Біздің ендігі міндетіміз – осы орман қорын өрттен, заңсыз ағаш кесуден және өзге де табиғат заңнамасын бұзушылықтардан қорғау.
Орман шаруашылығының жұмысында өрт қауіпсіздігі — басты мәселе. Сондықтан өртті болдырмауды, алдын алуды осы орман шаруашылығының бірден-бір міндеті болып табылады.
Жалпы осы саланың материалдық-техникалық базасын жақсарту үшін 2018-2022 жылдары 1 миллиард 300 миллион теңге қаржы бөлінген. Нәтижесінде техникалардың жаңару деңгейі 78 пайызға жетіп отыр.
"Сондай-ақ, биыл орман шаруашылығы, "Сапсан жедел қызметі" және "Жамбыл су қоймасы" мекемелерінің материалдық-техникалық базасын нығайтуға 280 млн теңге қаржы қаралып, қажетті техникалар алынуда", - деді Нұржан Календеров.
Сурет: Жамбыл облысы әкімдігінің баспасөз қызметі
Орман шаруашылығы саласында жемісті еңбек етіп жүрген бірқатар қызметкерлер өңірдің орман шаруашылығы мен табиғатты қорғау саласына қосқан үлесі үшін "Облысқа сіңірген еңбегі үшін" белгісімен, облыс әкімінің Құрмет грамотасы және Алғыс хаттарымен марапатталды.
Бұдан соң ормандарды және жануарлар дүниесін қорғау жөніндегі мекемелерге жаңа техникалар табысталды.
Сонымен қатар, "Жамбыл су қоймалары" мекемесіне 3 УАЗ автокөлігі берілді.
Айта кету керек, облыс аумағының 31 пайызға жуығын, яғни, 4,4 млн гектарын мемлекеттік орман қоры құраса, ондағы 15 орман шаруашылығы мекемелерінде 932 қызметкер жұмыс атқарады.
Сурет: Жамбыл облысы әкімдігінің баспасөз қызметі
