Ақтөбе облысының энергетика және ТКШ басқармасының ақпаратына сүйенсек, 4 тамыздағы жағдай бойынша өңірге 2 295 тонна газ жөнелтілді.
"Қазіргі уақытта Ақтөбе қаласының автогаз құю станцияларында сұйылтылған газды бөлшек саудада өткізу құны 1 литр үшін 54 теңгені, ал облыс орталығынан шалғай аудандарда (200 километрден астам) 1 литр үшін 59 теңгені құрайды. Ақтөбедегі жанар-жағармай құю бекеттеріндегі ахуал бақылауда", делінген облыстық әкімдік хабарламасында.
Облыс әкімі Ералы Тоғжановтың тапсырмасымен басқарма мамандары 47 автогаз құю станциясына барды. Газ 36 бекетте сатылымда болды. Қалғандарына өнім алдағы екі күнде жеткізіледі.
Айта кетсек, тамыз айынан бастап Ақтөбеде автогаз тапшылығы қылаң бергені белгілі.