ҚР ТЖМ баспасөз қызметінің хабарлауынша, Сырым Шәріпханов тартылған сарапшыларды қажетті материалдармен, жобалау-техникалық құжаттамамен қамтамасыз етуді тапсырды.
Шахтада өрт ошақтарын сөндіру және авариялық учаскеде гипс бөгеттерін салу жұмыстары әлі жүргізіліп жатқаны да нақтыланады.
Сурет: ҚР ТЖМ баспасөз қызметі
Айта кетсек, 17 тамызда Қарағанды облысында "АрселорМиттал Теміртау"АҚ-қа тиесілі "Қазақстан" шахтасында өрт болды: конвейерлік таспа өртенді. Оқиға орын алған кезде шахтада 227 адам болған, олардың 222-сі жер бетіне шығарылды. Тағы бес кенші жер астында қалып кетті, олардың барлығы қаза тапты.
Алдында "Қазақстан" шахтасында соңғы тексеру барысында қанша бұзушылық анықталғаны белгілі болған еді.