Облыстық маңызы бар Чапай-Жаңақала-Сайқын тас жолының 130-191 шақырымы аралығында жалпы ұзындығы 61 шақырымда жүргізіліп жатқан қайта жаңғырту жұмыстары биылғы жылы да өз жалғасын табатын болады.
"Бүгінгі күнге дейін 13,1 шақырым жолға асфальт жабыны төселді. Аталған нысанда жұмыстарды жалғастыру үшін ағымдағы жылы жергілікті бюджеттен 1,4 млрд.теңге қаржы бөлініп, қазіргі кезде дайындық жұмыстары жүргізілуде. Ағымдағы жылы жоспар бойынша 15 шақырым жолға асфальт жабынын төсеу көзделген", делінген облыстық құзырлы басқарма хабарламасында.
Сонымен қатар, "Чапай-Жаңақала-Сайқын 307-337 шақырым" автомобиль жолын күрделі жөндеу жұмыстарына конкурстық рәсімдер жүріп жатқаны да нақтыланады.
"Мердігер ұйым анықталған соң, нысанда жоспарға сәйкес жұмыстар басталатын болады".
