Облыстық маңызы бар Бөрлі-Ақсай-Жымпиты тас жолының 68-139 шақырымы аралығында қолға алынған жалпы ұзындығы 71 шақырымды қамтитын қайта жаңғырту жұмыстары биылғы жылы да өз жалғасын табатын болады.
"Бүгінгі күнге дейін 13,5 шақырым жолға асфальт жабыны төселді. Аталған нысанда жұмыстарды жалғастыру үшін ағымдағы жылы жергілікті бюджеттен 1,6 млрд теңге қаржы бөлінді. Қазіргі кезде дайындық жұмыстары жүргізілуде", делінген облыстық құзырлы басқарма хабарламасында.
Сондай-ақ ағымдағы жылы жоспар бойынша 10 шақырым жолға асфальт жабынын төсеу көзделгені де нақтыланады.
