Жәрмеңкеге Атырау облысы әкімінің орынбасары Марат Мурзиев және Қазақстан Республикасының Мәдениет және ақпарат вице-министрі Евгений Кочетов қатысты. Қонақтар жәрмеңке алаңын аралап, шығармашылық өкілдердің жұмыстарымен танысты.
Сурет: Атырау облысы әкімінің баспасөз қызметі
Жәрмеңкенің ашылу бағдарламасы "Sarmad" этно-фольклорлық ансамблінің өнерімен басталып, Атырау жастар театрының музыкалық бағдарламасымен жалғасты.
Сурет: Атырау облысы әкімінің баспасөз қызметі
Бағдарламаның сән бөлігінде Атырау облысынан арнайы келген дизайнерлердің авторлық киім топтамалары дефиле форматында көпшілік назарына ұсынылды.
Сурет: Атырау облысы әкімінің баспасөз қызметі
Жәрмеңке ертең де жалғасады. Келушілер Атыраудың өнері, дизайны, қолөнері мен креативті жобаларымен жақынырақ танысып, өзіне ұнаған бұйымдарды тікелей авторларынан сатып ала алады.
Сурет: Атырау облысы әкімінің баспасөз қызметі