Өкінішке қарай, санитарлық дәрігерлер оқушыларды қашықтықтан оқытуға ауыстыру туралы шешім қабылдады. Айта кету керек, әлемде мектептерді бірінші болып ашып, соңғысы болып жабу дәстүрге айналған. Біз толыққанды сапалы білім беруді қамтамасыз ету маңызды деп санаймыз. ҚР БҒМ баспасөз хатшысы Мөлдір Әбдуәлиева
ҚР БҒМ өкілі оқыту форматын өзгерту туралы шешімді балалар үшін де, ата-аналар үшін де барлық қауіп-қатер мен оның салдарларын жан-жақты талдап, есепке алу негізінде қабылдау қажет екенін атап өтті.
Бұған дейін елордалық оқушылар "омикрон" штаммның өршуіне байланысты 31 қаңтарға дейін онлайн оқуға ауыстырылатыны белгілі болған еді.
