Төтенше жағдайлар министрлігі 5 наурызда желдің екпіні секундына 28 метрге дейін күшейетінін хабарлады.
Атырау облысының білім басқармасы «Мой город» басылымына әр мектеп онлайн немесе офлайн оқитынын өзі шешетінін айтты.
Әр мектеп төтенше жағдайларды ескеріп, шешім қабылдауын тапсырдық. Ата-аналардың өтініші бойынша, әсіресе ауылдарда балаларды онлайн оқытуға болатынын айттық.Басқарма басшысының орынбасары Айнагүл Дүйсекенова
Ал Төтенше жағдайлар департаменті бұл өңірде күндіз де қатты жаңбыр жауатынын айтып отыр.
Бұған дейін Маңғыстау облысында қатты жел соққаны белгілі болды. Салдарынан Ақтауда LED-экранды жұлынып, кірпіш қоршау опырылып, Жетібай ауылында құрылысы аяқталмаған ғимараттың шатыры ұшып кеткен.