Жамбыл облысы әкімдігінің білім басқармасы Тараз білім бөлімінің ұйымдастыруымен 6 қазан күні қала күніне орай мектеп оқушыларын ғылым мен технологияға шабыттандыру және балалар арасында инженерлік мамандықтардың маңызын насихаттау мақсатында "ROBOFEST" робототехника, бағдарламалау және инновациялық технологиялар фестивалін өткізді.
Сурет: Тараз әкімдігі баспасөз қызметі
Фестиваль барысында оқушылардың өздерінің шығармашылық ізденістері бойынша жасалған роботтар көрмесі ұйымдастырылды. Қазіргі кезде оқушылардың роботқа, техникаға деген қызығушылығы жоғары. Фестивальге қатысушы оқушылар арасында Суммо, кегельринг, робо кросс, WeDo роботтар категориялары бойынша өз жалғасын тапты.
Сурет: Тараз әкімдігі баспасөз қызметі
Жарыс қорытындысы бойынша топ жарған командалар жүлделі орындармен марапатталды.
Фестивальге қала әкімінің орынбасары Сариев Бақдаулет Жолдасұлы, қалалық білім бөлімі басшысы Қожамжарова Раушан Пернешқызы, БАҚ өкілдері, педагогтер мен мектеп білім алушылары қатысты.