18 қарашада Ақмола облысы Аршалы ауданындағы №3 мектептің жылу қазандығы жарылды.
Білім басқармасы Ақмола облысы әкімінің бірінші орынбасары Малғаждар Тәткеевтің төрағалығымен жедел штаб құрылғанын хабарлады.
Оқиға орнына білім бөлімінің басшысы Бейбіт Жүсіпов барды.
"Қазір оның салдарын жойып, жылумен қамтамасыз ету бойынша жедел шаралар қабылданып жатыр. Балалардың ешқайсысы зардап шеккен жоқ, олар қашықтан оқуға ауыстырылды". Білім басқармасы
Басқарма өкілі алдағы уақытта облыстағы мектептердегі барлық қазандықтар тексерілетінін айтты. Тексеруден кейін кінәлілер жауап береді.
Оқиға кезінде үш адам зардап шекті: шаруашылық басшысы, электрші және өрт сөндіруші. Олар ауруханаға жатқызылды, барлық қажетті медициналық көмек көрсетіліп жатыр.
