Зауыттың баспасөз қызметінің хабарлауынша, алдын ала жоспарланған тексеру жұмыстарын жүргізу – жабдықтардың тұрақты жұмыс жағдайын сақтап, өндірістің тиімділігін арттыруға арналған жыл сайын іске асырылатын шара.
Алайда баспасөз қызметі кәсіпорын қараша айының алғашқы онкүндігінде тұрақты жұмыс режиміне шығады деп жоспарланып отырғанын жеткізді. Жоспарланған жұмыстың жалпы еңбек сыйымдылығы 1 млн адам/сағ асады.
"Алдын ала жоспарланған тексеру жұмыстарын жүргізуге 1 600 жұмысшы мен 116 арнайы техника жұмылдырылмақ. Жоспарланған жұмыстың жалпы еңбек сыйымдылығы 1 млн адам/сағ асады. Технологиялық қондырғылар тоқтатылған кезде реакторлық жабдықтардағы катализаторлар ауыстырылады".
Аталған шаралар бірінші кезекте экономиканың әлеуметтік маңызы бар секторларының қажеттіліктерін қамтамасыз ету, оның ішінде күзгі дала жұмыстары кезінде ауыл шаруашылығы тауарларын өндірушілерге қажетті дизель отынын жөнелтіп, сондай-ақ ішкі нарықтағы жағдайды тұрақтандыруға бағытталған.
Алдын ала жоспарланған тексеру жұмыстарының басында зауыт резервуарларында жинақталған мұнай өнімдерінің қоры:
- 36 мың тонна автобензин,
- 32 мың тонна дизель отыны,
- 7,4 мың тонна әуе отынын құрайды.
Қазан айында қосымша 16 мың тонна автобензин, 28 мың тонна дизель отынын өндіру жоспарда бар.
