Компания баспасөз қызметінің хабарлауынша, іс жүзінде, тұрғындарды газға қосу қызметі үшін заңсыз ақша өндіру фактілері орын алмаған.
"Газ және газбен жабдықтау туралы" Қазақстан Республикасы Заңының 24-бабының 2-тармағына сәйкес қосылуды тек газ тарату ұйымы, яғни "ҚазТрансГаз Аймақ" АҚ орындауы тиіс және ол қосылу ақысы қосылатын абоненттер есебінен жүзеге асырылады", делінген хабарламада.
Компания өздеріне тұрғындар тарапынан ойып қосу және газды іске қосу мәселесі бойынша шағымдар мен өтініштер түспегеніне баса назар аудартады. Оның үстіне әлеуметтік бағдары бар компания ретінде "ҚазТрансГаз Аймақ" АҚ 2022 жылдан бастап пломбалау бойынша қызметтерді тегін көрсетеді.
Компания Табиғи монополияларды реттеу комитетінің, сондай-ақ оның жергілікті бөлімшелерінің газбен жабдықтауға қосылу қызметтері үшін ақша алуға тыйым салуға қатысты ұйғарымдары бойынша қарама-қайшы сот тәжірибесі бар екенін айтады:
"Жоғарғы Соттың "ҚазТрансГаз Аймақ" АҚ пайдасына 3 қаулысы, "ҚазТрансГаз Аймақ" АҚ-ға қарсы 2 қаулысы бар".
Сөз соңында компания табиғи монополиялардың басқа субъектілері (электр, жылу, сумен жабдықтау) де тұтынушыларды қосу үшін ақы алатынын атап көрсетеді.
Бұған дейін ҚР Экономика министрлігі Табиғи монополияларды реттеу комитеті "ҚазТрансГаз Аймақ" АҚ-ға Қазақстан азаматтарына 1,2 млрд теңгені қайтаруды бұйырған болатын.