Кийосаки доллар қолданыстағы экономикалық жүйені бұзып тынатынына сенімді, оның ақыры елдің жаппай криптовалютаға көшуіне әкеліп соғады, өйткені ол Үкімет бақылауына жатпайды, деп жазады Business Insider.
Криптовалютаны қалау жеткіліксіз. Тарихтағы ең ірі экономикалық күйреу орын алмай тұрғанда қазір криптовалютамен айналысуға көшкеніңіз жөн. Роберт Кийосаки
Айта кетсек, бірнеше ай бұрын Кийосаки ең танымал сандық монета - Биткоинға күмәнмен қарайтынын айтқан.
Биткоиндармен сауда жасаймын. Бірақ, менің ойымша, оның қандай да бір құндылығы жоқ. Мен онымен жай ғана ойын ретінде ойнаймын, деген еді ол.
Кийосаки нарықта көтеріліп келе жатқан "көпіршік" барын бірнеше рет ескертіп, ол "жарылса" арты ауыр болатынын айтқан. Тамыз айында "Бай әке, кедей әке" кітабының авторы Twitter-де осы құлдыраудың басы басталып кеткенін жазып, акциялар, биткоин, алтын, күміс және жылжымайтын мүлік бағасының күрт төмендеп жатқанын нұсқаған болатын.
