Сауда-саттықтың қорытындысы бойынша доллардың орташа сараланған бағамы 0,61 теңгеге төмендеп, 518,50 теңге болды.
Рубль бағамы 6,61 теңге (-0,03) болды.
Таңертеңгілік саудада қытай юанінің орташа сараланған бағамы 72,31 теңге (-0,19) болды.
Ақша айырбастау орындарында доллар 518,7-520,5 теңге, еуро 600-605 теңге, рубль 6,5-6,6 теңге аралығында сатылуда.
25 маусымда әлемдік мұнай бағасы бір күн бұрын төмендегеннен кейін қайта көтеріле бастады.
Brent маркалы мұнай баррелінің құны алдыңғы сессиямен салыстырғанда 0,57%-ға өсіп, 66,55 долларды құрады.
Бұл ретте West Texas Intermediate (WTI) мұнайының бір баррелінің бағасы 0,87%-ға өсіп, 64,94 долларды құрады.
Ұлттық банк таңертең доллар бағамын 519,26 теңге, еуроны 602,13 теңге, рубльді 6,62 теңге деп белгіледі.