Компания өкілдерінің болжамынша, 5 шілде күні кешкі уақыттан бастап көлік қозғалысы қарқындылығы 30-40% өседі.
Болжамға сәйкес, бейсенбі мен жексенбіде көлік анағұрлым көбірек қатынайды. Жаз мезгілінде көлік ең көп жүретін бағыттардың қатарына "Астана – Щучье" және "Алматы – Қонаев" жатады.
"ҚазАвтоЖол" компаниясының баспасөз қызметінің хабарлауынша, осыған орай алдағы демалыс күндері жол қызметтері күшейтілген режимде жұмыс істейді.
"Ұзақ жолға шықпас бұрын жүргізушілер көліктің жай-күйін тексергені абзал. Сонымен қатар жол қозғалысы ережелерін назардан тыс қалдырмай, жылдамдық режимін қатаң сақтауға шақырамыз"."ҚазАвтоЖол" АҚ баспасөз қызметі
Шлагбаумның алдында кезек күтіп ұзақ тұрып қалмау үшін мемлекеттік тіркеу нөмірінің белгісі шотын алдын ала толықтыруға кеңес беріледі.
Жолда қандай да бір қиын жағдайға тап болсаңыз, 1403 байланыс орталығына хабарласыңыз. Колл-орталық тәулік бойы жұмыс істейді.
