Республикалық жедел құтқару жасағының мәліметінше, 27 ақпанда сағат 13:55-те штабқа қоңырау түскен. Онда 60 жастағы ер адам тауға шығып, Проходное шатқалына (Волчая Гораға қарай бұлақ үстінде) көтерілу кезінде есін жоғалтқан. Ер адамның жанында досы болған.
Сағат 14:26-да РЖҚЖ жедел тобы мен кинологиялық бригада Проходное шатқалына жетіп, Қасқабас тауы бағытында оқиға орнына жаяу аттанды. Оқиға орнына жеткендегі алдын ала сараптама нәтижесінде жәбірленушіден тіршілік белгілерін анықтаған жоқ.ҚР Төтенше жағдайлар министрлігі «РЖҚЖ» мемлекеттік мекемесінің баспасөз қызметі
Құтқарушылар ер адамның денесін Апаттар медицинасы орталығының қызметкерлеріне тапсырды.
Құтқарушылар тасымалдауды бастап, сағат 18:05-те мәйітті Апаттар медицинасы орталығының қызметкерлеріне тапсырды, олар ер адамның қайтыс болғанын анықтады. Алдын ала себеп - өкпе эмболиясы. ҚР Төтенше жағдайлар министрлігі «РЖҚЖ» мемлекеттік мекемесінің баспасөз қызметі
РЖҚЖ құтқарушылары тауда абай болуды және күшіңізді дұрыс есептеу өте маңызды екенін ескертті.
Жаяу серуендеу алдында маршруттың биіктігін ескеріңіз - спортпен шұғылдануға медициналық қарсы көрсетілімдері бар адамдар үшін, сондай-ақ 1500-1600 м-ден астам биіктікте акклиматизацияда жеткілікті тәжірибесі жоқ адамдар үшін біртіндеп көтерілу маңызды, - делінген ҚР Төтенше жағдайлар министрлігінің «РЖҚЖ» мемлекеттік мекемесінің хабарламасында.
Құтқарушылар тауға қажетті техникаларды да тізіп шықты.
Міндетті заттардың ішінде GPS навигаторы, пауэрбанк, су өткізбейтін сөмкедегі сіріңкелер, қосалқы киімдер жинағы, сізде алғашқы көмек қобдишасы болуы керек (таңу материалдары, аллергия мен ішек ауруларына қарсы құралдар, ауырсынуды басатын дәрілер, күйікке арналған жақпа, антисептиктер, сондай-ақ жеке өзіңізге қажетті препараттар), делінген хабарламада.
Тауға шықпас бұрын шұғыл телефондарды жазып алыңыз: 112 немесе 372-15-60, Қазақстан Республикасы Төтенше жағдайлар министрлігі РЖҚЖ жедел кезекші бөлімшесінің телефоны.
