ҚР Индустрия және инфрақұрылымдық даму министрлігі Азаматтық авиация комитетінің мәліметінше, «қазіргі уақытта министрлік Air Astana әуе компаниясымен бірлесіп, әуе рейстерін мүмкіндігінше қысқа мерзімде қалпына келтіру үшін мүдделі тараптармен осы мәселелерді жедел шешу үстінде».
«Қазақстанның авиациялық әкімшілігі» АҚ базасында жолаушыларға кеңес беру үшін рейстердің тоқтатылуына байланысты мына нөмірлер бойынша сенім телефоны іске қосылды:
Ұялы: +7 700 271 89 51
Ұялы: +7 700 271 89 52
Тел.: +7 7172 798 213
Тел.: +7 7172 798 215
Комитеттегі жолаушыларға «әуе компаниясының ақпараттық хабарламаларын және брондау кезінде көрсетілген байланыс деректері бойынша жеке мәліметтерді қарап отыруға» кеңес берілді.
Жолаушыларды Қазақстан мен Ресей арасындағы үздіксіз әуе қатынасымен қамтамасыз ету мақсатында ҚР ИИДМ ААК қазақстандық Scat әуе компаниясымен бірлесіп Қазақстан мен Ресей арасындағы, оның ішінде Нұр-Сұлтан бойынша тұрақты рейстердің санын жедел арттыру мәселесін пысықтады. Оның ішінде Мәскеу бағыттары (аптасына екіден жеті рейске дейін) және Алматы – Мәскеу (аптасына жеті рейске дейін) бар. Азаматтық авиация комитетінің баспасөз қызметі