Шынында да, енгізілген санкцияларға байланысты кейбір қиындықтар болуы мүмкін. Бірақ біз үміт үзбей, және жаңа жолдарды іздей береміз. Әрине, қазір кей жеткізу тізбегі үзіліп жатыр. Бірақ сонымен бірге үкіметтің жедел штабында біз тап болған мәселелердің барлығы жедел түрде шешіліп, нақты шаралар әзірленіп жатыр.Сауда комитетінің төрағасы Ержан Қазанбаев
Бұл ретте төраға әңгіме тек мал азығы туралы емес, жалпы басқа да тауарларға қатысты екенін айтып отыр.
Сонымен бірге импорт үшін де, экспорт үшін де жаңа нарық іздестіріліп жатыр. Мұндағы жұмыс, әрине, өте қиын. Өйткені жаңа жолдар мен арналарды іздестіру керек. Кейбір порттар жабық. Сондықтан логистика аздап үзілді. Бірақ қазір бұл жүйені жаңа бағытта жолға қою үшін жұмыс атқарылып жатыр.Ержан Қазанбаев
Наурыздың басында Ресей Думасының депутаттары Россельхознадзорды нарықта мал азығын тапшылығына жол бермеуге шақырған. Дума оларға үй жануарларының иелерінен өтініш келіп жатқанын хабарлады. Енгізіліп жатқан шектеулерге, сонымен қатар бағаның күрт өсуіне байланысты азаматтар ресейлік нарықта жем мен оның қоспаларының, үй жануарларына арналған ветеринар дәрілердің тапшылығын болдырмау үшін шаралар қабылдауды сұрайды.
Кейінірек Россельхознадзор үй жануарларына арналған азық-түлік тапшылығы болмайды деп сендірді.
